Холандскиот принц Јохан Фрисо, вториот син на кралицата Беатрикс, почина, соопшти денеска кралското семејство...

Во февруари 2012 година принцот настрада тешко при паѓање на лавина, додека беше на зимски одмор во Австрија. Фрисо возел ски надвор од обележана патека со неименуван австриски пријател кога бил затрупан од лавина.

Инцидентот се случи во близина на градот Лех, каде по традиција холандското кралско семејство престојуваат во зимски одмори. Принцот помина 20 минути под снег, пред да бидат извадени од спасители во многу тешка состојба.

"Принцот Фрисо почина како последица на компликации од мозочната повреда предизвикана од недостаток на кислород, кога беше затрупан од лавина, додека возел ски на 17 февруари во австрискиот скијачки центар Лех", се вели во соопштението на холандскиот кралски двор.

Тој беше искусен скијач, но беше затрупан од лавина и додека спасувачите го извадат, останал без кислород во текот на 20 минути. Одново беше во кома, но во ноември покажа многу слаби знаци на свест. До суштинско подобрување сепак не дојде.

Фрисо помина некое време во лондонската болница "Велингтон", но на 9 јули беше транспортиран во кралскиот дворец, каде ги помина последните денови од својот живот.