Авион при слетување на аеродром во Индонезија удрил крава, која била на пистата, а поради овој инцидент, во кој немало повредени, се откажани неколку летови, соопштиле денес властите...



Авионот на најголемата приватна индонезиска компанија "Lion Air", тип "Боинг 737-800", во кој имало 117 патници, се подготвувал синоќа да слета на аеродромот Џалалудин на островот Сулавеси.

Министерството за транспорт и врски соопштило дека на пистата имало 3крави за време на слетувањето на авионот, а авионот удрил во најмалку 1 животно и слетал надвор од пистата, по што застанал, пишува АП.

Во тек е истрагата за овој случај, а аеродромските власти изјавиле дека авио-сообраќајот на овој аеродром денес се одвива нормално.