Постојат многу одредби во православниот свет за кои веројатно никогаш не сте слушнале, како на пример онаа за православниот свештеник што може да има секс еднаш неделно, и тоа во понеделник...



Правилата се јасни: среда и петок се денови на пост, во сабота се прават подготовки за недела, а во недела се одржува литургијата. Вторник и четврток се вршат подготовките за пост во среда и петок. Што значи дека само понеделник преостанува слободен за брачните "должности".

Меѓутоа, во пракса е малку поинаку, за српски Телеграф потврдуваат свештеници од СПЦ, кои не сакале да се наведуваат нивните имиња.

„Се разбира дека ги знам правилата, но би рекол дека денес ретко кој се придржува до нив. Не практикувам секс со жена ми само во сабота и недела поради светата литургија, а за останатите денови мислам дека тоа не е грев“, изјавил свештеник за Телеграф од Нов Белград.

Црквата пропишува свештеник не може да стане оној што имал секс пред брак. Сепак, и ова правило се крши во последно време.



„Времињата се такви, ретко кој влегува невин во брак, а така е и случајот со кандидатите за свештеници. Овие правила се донесени за време на патријархалниот поредок“, рекол верскиот аналитичар Живица Туциќ.

За обичните верници сексот се забранува за време на постот, меѓутоа со одобрение од надлежниот свештеник или епископ. Ако бракот без сексуални односи е во криза, тогаш брачната двојка може да се празни со секс.

После овие разговори со свештеници и теолози се доаѓа до заклучок дека правилата за секс во Православната Црква веќе се многу застарени и време е да се променат. До тогаш, правилата постојат за да бидат прекршени.