На што се спремни светските таблоиди само да имаат добра приказна, но тие често знаат да ги надминат границите...



Најновата жртва на обидите за поголем тираж е најдобар фудбалер на светот Лионел Меси, кој без никаква вина се најде во скандал со стриптизета.

Аргентинскиот таблоид Pronto објави слика од него како ужива во Лас Вегас држејќи гола русокоса пред него, но се испостави дека фудбалерот на Барселона „ниту лук јал, ниту лук мирисал“.

Фотошоп експертите успеале да докажат дека сцената од ноќниот клуб во Лас Вегас е само добра фотомонтажа, а потоа се пласирала на интернет и така ставиле дамка врз името на Меси. Поточно, Pronto составил слика каде Меси го држи во раце син му Тиаго, со слика каде стои во клубот и ја „залепил“ анонимната стриптизета.

Не постои сомнеж дека фудбалерот ќе подигне тужба против таблоидот од неговата татковина, која по секоја цена сака да направи скандалозна приказна, но на крај не се исплати. Оваа грешка со сигурност скапо ќе ја платат.