Папата Фрањо како прв поглавар во историјата на Римокатоличката црква, кој јавно порача дека хомосексуалците не треба да се оцрнат или маргинализираат, туку да се интегрираат во општеството, а за жените, "вратите на црквата се затворени"...



Во разговор со новинарите во авионот на враќање од Бразил, папата во недела вечерта ги одбрани хомосексуалците од дискриминација, пишува Ројтерс.

Тој исто така потсети и на една од универзалните доктрини на Католичката црква, која вели дека хомосексуалната ориентација не е грев, но хомосексуалните акти се грев.

Папата рекол дека забраната на Римокатоличката црква за жените да бидат свештеници е конечна, иако би сакал да имаат поголемо учество во административните должности.

„Црквата за тоа има став и одговорот е `не`, вратите се затворени“, е изјавата на Папата, прва пред јавноста во однос на прашањето за жените-свештеници.