Сем Симон, извршниот продуцент на популарната анимирана серија, на кого му е дијагностициран рак во метастаза, рекол дека "има повеќе пари отколку што може да потроши", и дека подарувањето му претставува "задоволство"...

Во интервју за „Холивуд Рипортер“, 58-годишниот сценарист и продуцент, рекол дека ја донел одлуката кога му дијагностицирале рак во последна фаза.

Симон во 1989 година помогнал во реализацијата на познатата ТВ комедија, серијата "Симпсонови" заедно со Мет Гренинг и Џејмс Л. Брукс. Проектот го напуштил во 1993 година, но ја задржал титулата на извршен продуцент, која за само 1 година му донела приходи од 1 милион долари.

„Парите од Симпсонови секоја година растеше се повеќе и повеќе“, рекол Симон, кој планира својот имот да го донира за организации и здруженија за заштита на животни и оние кои се грижат за бездомници.

Серијата "Симпсонови", која започна да се емитува во 1989 година е најдолго прикажуваната анимирана серија во американската телевизиска историја.