Британката Натали Вилијамс (22) од Дарлингтон, заведе и сексуално искористила тинејџер (14) ...



Педофилката имала сексуални односи со момчето во повеќе наврати. Целиот случај е откриен минатата година во септември, откако Вилијамс го одвела момчето во хотел за да имаат секс.

Сепак, хотелската соба ја платил тинејџерот со кредитна картичка, која ја украл од своите родители, а потоа се открил целиот случај и полицијата била известена.

Врската со момчето, чие име не е објавено, Вилијамс ја почнала кога тој имал само 13 години. На судењето, кое завршило вчера, девојката е осудена на 2 години затвор, а ќе биде внесена и во регистарот за сексуални престапници и никогаш нема да може да се занимава со работа која вклучува контакт со деца.

„Син ми беше во заблуда дека таа му е девојка. Го маѓепсала него и не можеше да се оттргне од нејзините канџи. Пресудата е срамна. Треба да биде осудена на подолга затворска казна. Таа му го упропасти животот на мојот син“, изјавила мајката на момчето по судењето.

Таа додала дека животот на нејзиниот син од септември минатата година е целосно уништен, попуштил на училиште и останал без другари и пријатели.