Владата на Норвешка денес и вети правна поддршка на младата норвешка државјанка Марте Дебора Далелв која беше осудена во Дубаи за вонбрачни сексуални односи, откако пријавила дека била силувана во Емиратите...
Пресудата на нашата државјанка, која се пожалила од силување, е спротивно на нашето чувство за правда и ние ќе ја поддржиме при жалбата на пресудата, изјави преку страната на Твитер норвешкиот министер за надворешни работи Еспен Барт Еиде.
Норвешките медиуми се запрепастени од непријатниот случај со 24-годишната Марте, која беше осудена за употреба на алкохол и вонбрачен секс. Таа поднесе жалбаа дека била силувана во март, кога се наоѓала на работа во Дубаи. Властите не само што не обратиле внимание на пријавата, туку таа била уапсена и поминала неколку дена зад решетки, пред да се поврзе со семејството и со норвешката амбасада.
Оваа недела Марте беше осудена на 16 месеци затвор за споменатите обвинувања.
