Пензионираниот државен службеник од Индија е уапсен во Раџастан, бидејќи со години ги силувал своите пет ќерки, пишува vancouverdesi.com...



Неговата сопруга исто така, е во притвор поради соучесништво, затоа што прикривала сексуална злоупотреба. Според полицијата наводно инцидентот се случил во село оддалечено 150 километри од Џајпур.

Бабу Лал Дакар (62) и неговата сопруга биле уапсени во вторникот, а судот им одредил 14-дневен притвор.

„Мажот има пет ќерки и сите се во брак. Грозните злосторства излегоа на виделина кога една од нив во вторникот поднела пријава во полицијата, за сексуално злоставување од татко им, од 1999 до 2003 година“, изјавил полициски службеник.

Кога останала бремена, татко и сакал да абортира. Жртвата и се доверила на мајка и дека нејзиниот татко сексуално ја злоставува, но таа и одговорила дека тој веќе силувал и нејзината постара сестра и дека тоа е семејна традиција. По нејзината изјава, полицијата контактирала со постарите сестри на жртвата, кои исто така признале дека нивниот татко ги силувал.