Здравствените власти на Шведска открија исклучително висока содржина на арсен во кинески лек на билна основа...

Тие предупредија дека производот Niu-Huang Chieh-tu-pien може да го изложи на сериозен ризик здравјето на оние кои го користат.

Чудесниот илач се продава по уличните тезги и се рекламира како средство за лекување на широк спектар на болести - од анорексија и забоболка до кожни инфекции и висока температура кај децата. Тој е познат и под индиските имиња Divya Kaishore Guggul и Chandraprabha Vati.

Според токсикологот Леиф Буск од националната служба за храна, препорачаните дневни дози во пропишаното содржат арсен, еднаков на половина од смртоносна доза за човекот. Експертот изрази незадоволство дека постојат компании кои без размислување, го пуштат овој опасен производ на пазарот.

Како резултат на кренатата тревога "лекот" бил запленет од тезгите во Стокхолм, но сепак може да биде купен во други шведски градови. Локалните власти во Стокхолм ги алармира своите колеги од земјите-членки на ЕУ за опасниот производ.