Американскиот актер Адам Сендлер (46) за време на сафари во Африка го нападна гепард...



Гостувајќи во шоуто на Дејвид Летерман, комичарот раскажува за инцидентот.

„Еден од водичите ми кажа дека можам да нахранам гепард, но подоцна се случи нешто неочекувано“, вели Сендлер.

Поточно, додека актерот клекна покрај езерцето, гепардот му рипна од зад грб и скокна врз него. За среќа, водичот беше во близина и веднаш реагираше, одвлекувајќи го незгодниот предатор.

„Пријателите кажуваат дека сум постапил сосема мирно за време на нападот, а всушност јас се замрзнав. Ниту еден дел од моето тело не беше подготвено да возврати. Си помислив: `Значи, вака ќе умрам. Прекрасно`“, дообјаснува тој.