Египќанинот Ахмед Самир Асам (26) ја зел камерата во раце, но не можел ниту да претпостави дека ќе ги сними последните моменти од неговиот живот...



Млад човек е убиен во понеделникот, додека ја фотографирал Републиканската Гарда во Каиро, каде многумина веруваат се наоѓа соборениот египетски претседател Мохамед Мурси.

Шокантната снимка што се појави на YouTube го покажува неверојатниот момент, каде снајперистот пукал во далечина, а потоа одеднаш се сврте и испука директно во фоторепортерот.

Фоторепортерот била една од педесетте жртви кои биле убиени кога обезбедувањето отворило оган на луѓето што се наоѓале пред зградата.

Асам работел за локалниот весник Ал-Хорија Ва Ал-Адал.

„Околу шест часот наутро дојде човек во медиумскиот центар и донесе камера со крв. Ни кажа дека еден од нашите колеги е повреден“, изјавил Ахмед Абу Саид, уредник на рубриката за култура од локалниот весник.

„Еден час подоцна ни беше кажано дека Ахмед е погоден од снајперист директно во чело, додека го фотографирал инцидентот од кровот“, вели Саид, пишува Дејли Меил.

Армијата тврди отворила оган бидејќи „терористичка група се обидела да го нападне објектот“, додека поддржувачите на Мурси велат дека масакрот се случил од чиста мира.