Забележани се пепел, пареа, и лава од познатиот вулкан Попокатепетл и поради неговата ерупција многу авиокомпании откажаа летови на таа рута...



Попокатепетл е вулкан во Мексико, кој повторно „се разбуди“ и предизвика неколку потреси, пишува АП. Иако не паѓала вулканска пепел во близина на аеродромот во Мексико Сити, сепак жителите кои живеат во близина велат дека ја забележале светлината на лавата.

Одделот за јавна безбедност на Мексико најави дека ова е голем ризик за метрополата. Луѓето не знаат што треба да прават кога почнува да паѓа пепел или барем како да ја заштитат водата за пиење од контаминација.

„Ако дојде до ерупција, нема да го евакуираме Мексико Сити. За нас главен проблем е што не знаеме што да правиме со пепелта од вулканот“, рекол Фаусто Луго од јавната заштита на Мексико.