Сателитски снимки на бразилската вселенска агенција покажуваат дека во мај се уништени 465 квадратни милји шума, што е речиси 5 пати повеќе од лани 2012 година, овој период...



Податоците на бразилската влада покажуваат пораст во намалувањето на шумите во Амазон, што може да доведе до целосен пресврт на напредокот што што се постигна во последниве години во борбата против уништувањето на шумите во оваа област.

Секоја година во август почнуваат мерења на тропските шуми во Бразил, од што се утврдило дека вкупно 2.338 квадратни километри се исчезнати, што е за 35% повеќе, отколку референтниот период минатата година. За споредба, оваа област е 3 пати поголема од онаа на Њујорк.

Успехот исчезна

Овие податоци се многу помали за разлика од оние години кога дрвната индустрија, земјоделците и другите инвеститори, во текот на изминатите децении немилосрдно ги уништуваа тропските шуми на Амазон и нејзините притоки. Но, научниците и здруженијата за заштита на природата кажуваат дека податоците го поддржуваат нивното тврдење дека успехот во борбата против уништувањето на шумите во таа област повеќе не е видлив и сè може да тргне во спротивна насока.

Се верува дека до овие лоши промени најмногу дошло поради инфраструктурните проекти на владата и промената на долгорочната политика за заштита на животната средина и промената во цените на соја и другите земјоделски производи, заради чие производство се сече шумата.