Судир помеѓу три автомобили на раскрсницата помеѓу улиците „Коста Новаковиќ“ и „Трета македонска бригада“, пренесува македонски Телеграф...

Попладневно се случи несреќа во Скопје во 16:25 минути. Местото на несреќата се наоѓа во близина на поранешната фабрика „Раде Кончар“ во Скопје. Од Министерството за внатрешни работи информираат дека едно лице е повредено и веднаш е пренесено во Ургентниот центар во Скопје.

Станува збор за судир на „Пежо 106“ и „Пежо 206“ и „Шевролет спарк“, сите со скопски регистарски таблички. Во случајот настрадал возачот на возилото со марка „Шевролет“, З.А., 53-годишен скопјанец.



Од Ургентниот центар информираат дека лицето З. А. е со рана на главата, која му е санирана и моментално е во фаза на испитување, пишува Телеграф.мк.

Причините за сообраќајната несреќа се утврдуваат, истрагата е во тек.