Десетина лути граѓани во Украина нападнаа полициска станица поради силување на 29-годишна жена...



За случајот на силување се осомничени двајца полицајци, од кои еден е заштитен наводно поради врски од кривично гонење.

Украинскиот претседател наредил детална истрага во вторникот, по грозоморното насилство во град на јужниот дел на Украина, каде се појавиле лути демонстранти поради силувањето на жена. Уште не е потврдено дека луѓето што биле инволвирани во насилството се вработени во полицијата, а демонстантите поради тоа ја нападнале полициската станица со молотови коктели.

Протестите што предизвикаа сомневање дека еден од инволвираните полицајци во силувањето наводно е заштитен заради семејни врски, се случуваат во многу незгодно време, поради што ова ќе бидат негативни поени за Украина.

ЕУ го притиска Киев да ја интензивира борбата против корупција во полицијата и судството, со цел да се зголемат шансите за потпишување на важен политички и трговски договори со ЕУ во ноември.

Неколку стотици луѓе се разлеани по улиците на Врадиевка, откако биле проширени гласините во врска со нападот врз 29-годишна продавачка. Таа тврди дека била тепана и силувана од двајца полицајци кои ја бутнале сосила во едно такси на улица.

Украинскиот претседател Виктор Јанукович, кој веќе има лоши односи со Запад поради затворањето на главниот политички ривал, поранешната премиерка Јулија Тимошенко, им нареди на шефовите на безбедносните служби да спроведат итна истрага за инцидентот и насилството што се случило.