Страшна несреќа за време на претстава во циркусот „Cirque du Soleil" во Лас Вегас...



За време на претстава падна и умре 31-годишната танчерка Сара Гајард Гијо.

Танчерката Сара Гајард - Гијо, инаку мајка на две малолетни деца, почина во саботата вечерта по тешкиот пад на сцената во Лас Вегас. Ова е прва смрт на сцената во последните 30 години, пишува Daily News.



Моментално се истражува што точно се случило таа кобна ноќ, кога се случи несреќата со оваа искусна танчерка, која се занимава со акробатика уште од својата 22-ра година.

Сведоци тврдат дека како да забележале како и се откопчал безбедносниот ремен за време на изведбата на Гајард. Но, претставничката на шоуто негира тоа дека се случило.



За време на изведбата на точката, одеднаш се слушнал врисок од колегите изведувачи, а потоа престанала да свири и музиката.

„Најпрво многу луѓе мислеа дека ова е дел од шоуто. Но, крикот, плачењето и врисокот продолжи“, изјавува гледачот Дан Москеда.



Неколку минути по несреќата, од гледачите е побарано да го напуштат шоуто и ветено им е враќање на средствата. Во соопштението испратено од страна на компанијата „Cirque du Soleil“ се наведува дека тие длабоко жалат за несреќата со Сара Гајард.