Со звуци на техно музика, околу 10.000 учесници на парадата, украсени со виножито бои марширале од центарот на Париз до Бастилја...



Помина точно еден месец откако е склучен првиот француски истополов брак.

Десетици илјади луѓе марширале по улиците на Париз и Лондон со традиционални геј паради, после првото усвојување на законот за истополни бракови во Франција и Велика Британија, пренесува АФП.

Пред претседателот Франсоа Оланд да го потпише законот за бракови од ист пол, Франција со месеци имаше потреси од насилство и протести од противниците на овој закон.

Годишната парада во Лондон се одржува само неколку недели после одобрувањето на законот за истополни бракови од британските пратеници, а првата брачна церемонија се очекува на пролет следната година.

Велика Британија веќе ја призна заедницата на лица од ист пол преку граѓанско партнерство, но со новиот закон, хомосексуалните парови ќе можат да стапат во брак и како хетеросексуалци.