Јужноафриканскиот претседател Џејкоб Зума изјави дека состојбата на херојот Нелсон Мандела е подобрена во текот на ноќта и сега е критична, но стабилна...
"Тој е многу подобро денес отколку што беше кога го видов синоќа. Лекарскиот тим продолжува да прави солидна работа", соопшти Зума. Откако го посети Мандела за втор пат во рок од 24 часа, Зума ги повика Јужноафриканци да се молат за 94-годишниот поранешен претседател.
Зума "беше информиран од лекарскиот тим дека состојбата на Мандела е подобрена во текот на ноќта. Тој останува во критична состојба, но сега таа е стабилна", соопшти претседателството. "Треба да се молиме за здравјето на Тата (татко) и да му упатуваме најдобри желби. Исто така треба да продолжиме со нашата работа и секојдневните активности, додека Мандела е во болница", изјави Зума.
Претседателството исто така ги повика луѓето да се воздржат од ширење на гласини за мажот, кого многумина Јужноафриканци го сметаат за татко на нацијата, на позадината на бројни лажни пораки за неговата смрт.
