Во согласност со законот што треба да стапи во сила на 2 октомври, предупредувачките слики со човечки органи во состојба на распаѓање треба да покријат 85% од површината на кутиите со цигари во Тајланд...



Македонија веќе одамна има ужасни слики со мртов човек, рак на грлото, поцрнети бели дробови на кутиите од цигарите, кои произведувачите имаат законска обврска да ги ставаат.

Страшни слики од човечки нозе кои поради гангрена се распаѓаат, како и хорор приказот од рак на грлото и белите дробови во боја, наскоро ќе ги „красат“ и кутиите со цигари во Тајланд.

Новиот закон е донесен со цел да предизвика ефект на незадоволство и одбивност кај пушачите и да се откажат од пушењето.



Од друга страна, регулативата што ќе ја воведат тајландските власти се очекува да биде пречекана со осуда од големите тутунски компании, а над од 1.400 трговци најавуваат тужби. Меѓу првите се огласила фабриката „Филип Морис“, која најави дека ќе го тужи Министерството за здравство на Тајланд.