Телевизиски новинар предизвика бес кај јавноста откако на YouTube се појави видео кога за време не известување седел на рамениците на една од жртвите од поплавите...



Новинарот Нарајаб Паргајен известуваше за поплавите во Индија и за да не ги наводени панталоните се качи на вратот на Индиец, кој исто така изгубил речиси сè во поплавите. News Express одбил да го емитува неговиот извештај, кого го нарекле „нехуман“.

„Ни испрати една лента. Бевме шокирани кога видовме како седи на вратот на сиромашниот човек“, рекол Нишант Чатурведи од News Express.

Уредникот побарал објаснување од Паргајен, но тој го обвинил снимателот за видеото, бидејќи се договориле снимањето да биде до рамото, како и дека го прикачил видеото на YouTube.

Паргајен се одбрани и тврди дека човекот доброволно од почит го качил на врат.

„Тоа не беше моја идеја, човекот дојде да ме однесе до неговиот дом да ја покаже штетата. Куќата беше во катастрофална состојба и изгубил многу, па ние му помогнавме со малку храна и вода, му дадовме пари, а тој ни беше благодарен и сакаше некако да ми оддаде почит за тоа што го посетив неговиот дом“, рекол Паргајен.

Без оглед на оправдувањето, Паргајен е разрешен од функцијата новинар.