Иако се под контрола, трошоците за здравствена заштита во големите индустријализирани земји ќе продолжат да растат, достигнувајќи 9,5% од бруто домашниот производ (БДП) во Организацијата за економска соработка и развој (ОЕЦД)...

Во 2010 година тие беа 6% од БДП, според проценките на ОЕЦД, објавени во вторникот.

Холандија е пред Франција и Данска, кои трошат за здравство прилично над просекот за ОЕЦД и може да стигнат над 11% од БДП до 2060 година, и покрај напорите да се контролираат.

Ако не се преземат мерки за ограничување на овие трошоци, тие би можеле да достигнат 14% од БДП во ОЕЦД и речиси 16% во Франција.

Во земјите од БРИКС (Бразил, Русија, Индија, Индонезија, Кина и Јужна Африка) зголемувањето ќе биде до 9,8% од БДП до 2060 година, ако не се направи ништо, или 5,3%, ако се преземат мерки.

Според ОЕЦД "демографските ефекти и зголемувањето на надоместоците е само релативно мал дел од причините за севкупниот раст на трошоците". Очекуваното зголемување се должи на "комбинираниот ефект на технолошкиот напредок и зголемување на цените", вклучувајќи ги трошоците за долгорочна нега.