Словенечката полиција минатиот викенд пријавиле две кражби, кои се вообичаена појава на овие патишта...

Австриски државјанин останал без документи и без 3.000 евра, а германска двојка без 350 €!

Првиот случај бил на автопатот од Љубљана да Постојна, а другиот од Крањ во насока према Љубљана, известува Дневник.хр.

Поради овој случај полицијата повторно ги предупредува возачите да бидат внимателни во ситуации кога им нудат помош на странци на автопатот. Крадачите се преправаат како да им е расипано возилото и тоа го злоупотребуваат за да ги ограбат оние што застануваат да им помогнат.

Токму такво сценарио се одиграло во двата гореспоменати случаи, кога оштетените наседнале на лага од некои со помал автомобил со италијански регистарски таблички, дека гумата од автомобилот им била дупната.

Знаеме дека овој период од летото почнуваат да си доаѓаат Македонците што работат во странски држави на печалба, па ова нека го сфатат како голем апел за претпазливост и „четирите“ очи отворени, бидејќи овие случаи многу тешко се решаваат.

Словенечката полиција ги повикува возачите за голема претпазливост и сомнителните луѓе кои се обидуваат да им се доближат на таков начин да ги пријават колку што можат порано. Ваквите кражби во последниве години е во пораст, а успешно се истражува само секој петти случај.

Минатата година словенечката полиција се занимавала со речиси 400 такви случаи на кражба. Од нив, 256 кражби се случиле кога возилото го запирале на автопат, а другите на местата за одмор покрај автопатот и на бензинските пумпи.