Фотографијата од речиси 17 метри долгата змија е снимена во Кина, и предизвикала вистинска сензација...

Змијата ја пронашле работниците кои ја чистеле шумата и го чистеле преминот за новиот пат, во близина на градот Guping во провинцијата Jiangxi, а фотографијата од огромната змија се појавила на кинескиот портал People's Daily.

Всушност не била само една змија, туку две огромни змии, кои работниците ги разбудиле при ископувањето на големо брдо од земја, на преминот на кој требало да минува пат. При третото грабнување на земја со багерот, работникот приметил како во земјата има свежа крв, а откако грабнал уште еднаш со багерот, се појавила тешко ранета змија.

Истовремено уште една голема Боа се појавила од земјата со широко отворена уста. Тогаш работниците се уплашиле и побегнале, а кога решиле да се вратат на градилиштето, ранетата змија умрела, а од другата немало повеќе ниту трага.

Умрената змија тежела околу 300 килограми и од прилика била стара 140 години, но локалните власти брзо реагирале на приказната и фотографијата, повикувајќи дека тоа е сигурна лага, бидејќи змијата Боа воопшто не живее, ниту е карактеристична за наведената област.