Пензионираниот економист Рамиз Јахиќ од Фојница тврди дека ја решил задачата за еден милион долари...



Тој стана мета на новинарите од целиот регион. За да го заштити своето решение, наскоро ќе се обрати во Институтот за интелектуална сопственост на Босна и Херцеговина.

„Ја собирам потребната документација што ми е потребна за постапката, па ќе видиме што е следното што ќе се случи“, изјавил Јахиќ за Аваз.

Да потсетиме дека пред неколку дена овој љубител на броеви изјави дека успеа да ја реши математичката теорема во вредност од 1 милион долари. Поточно, тексашкиот банкар Андреј Беал понуди награда за оној кој ќе ја докаже математичката претпоставка која тој ја открил пред 20 години.

Од Аваз контактирале со Асоцијацијата на американски математичари (АМС) за да дознаат која е постапката за евентуално преземање на наградата. Се чини дека Јахиќ ќе се изначека, бидејќи, како што велат од АМС, Одборот за награди ќе процени дури после 2 години за да одлучи дали решението заслужува детална проценка.

По настапот на Јахиќ во медиумите, редакцијата на Аваз повикала уште неколку луѓе кои тврдат дека го имаат решението.