Деветгодишно девојче од Велика Британија ја помина границата на турскиот град Анталија со пасошот на кадифена играчка...

Родителите на Емили Харис случајно и го дале нејзиниот документ, а кога им го побарале на границата девојчето го дало пасошот на розовиот еднорог по име Лили Харис. "Не разбрав што се случило, додека не почнав да ги средувам документите кога ми ги вратија. Испаничив, бидејќи мислев дека ќе не задржат, но ништо не се случи", раскажа мајката на девојчето.

Според неа пасошот од играчката дури не личи на вистински. Тој е различен во големина, а на корицата наместо грбот на Велика Британија го има мечето. Сепак тој не го разбуди сомневањето на царинските службеници кои само прашале за возраста на девојчето.