Поранешниот американски претседател Бил Клинтон доби признание за вештини на родител од ќерка си Челзи, која му ја врачи наградата Татко на годината на добротворната гала во Њујорк...
Политичарот го доби признанието од Националниот комитет за Денот на таткото и произнесе потресен говор за татковството по врачувањето на наградата. "Секој ден тој е мој татко и немам потреба од награда, за да знам дека тој е најдобриот татко, за кого сум можела да се надевам. Но, се разбира, благодарна сум што го добива ова признание. Неговата пристрасна ќерка смета дека тој секогаш го заслужувал ова", вели Челзи, која беше изненадувачки гостин на церемонијата.
Бил Клинтон се сети за "единствениот спор", кој го имал со својата ќерка кога таа била тинејџерка, и живееле во Белата куќа. "Ја погледнав и реков:" Додека си во оваа куќа, претседателството е мојата втора најважна работа". Меѓу претходните добитници на наградата се уште еден поранешен американски претседател Роналд Реган во 1957 година, Дик Ван Дајк во 1967 година и некогашниот потпретседател на Клинтон Ал Гор во 1984 година.
