Поранешниот јужноафрикански претседател Нелсон Мандела е повторно во болница поради белодробна инфекција...



Како што известува CNN, Нелсон Мандела е во критична состојба. Во болницата во Преторија бил префрлен во саботата, откако неговата здравствена состојба се влошила.

„Утрово, неговата состојба се влоши и префрлен е во болница во Преторија. Ситуацијата се уште е загрижувачка, но стабилна“, велат од канцеларијата на претседателот Џејкоб Зума.

„Претседателот има специјализирана нега и докторите прават се што е потребно за да се чувствува подобро“, продолжува соопштението, надополнето со: „Претседателот Зума, во свое име и во име на Владата и целата нација, му посакува на Мадиба брзо закрепнување и бара од медиумите и јавноста да ја почитуваат неговата приватност и приватноста на семејството.“

Херој на борбата против апартхејдот

Мандела (94) годинава неколку пати беше во болница поради белодробни инфекции и пневмонија. Тој е добитник на Нобеловата награда за мир од 1993 година, херој во борбата против апартхејдот. „Мадиба“, како што најчесто го нарекуваат, се очекува во јули да го прослави својот 95-тти роденден.

Неговите проблеми со неговите белите дробови започнале уште од кога бил политички затвореник за време на апартхејдот. Добил 27-годишна затворска казна, при што заболел од туберкулоза.