Персоналот на Хонг Конг филијата на светскиот синџир кафулиња Starbucks покажал неверојатна снаодливост - тие им продавале на своите клиенти кафе, приготвено од водата во тоалетот...

Според информациите зградата во која се сместени познатото кафуле, била без водоснабдување. За да обезбедат вода за локалот, вработените морале да одат до соседната катна гаража, каде што полнеле големи туби со вода од писоар. Иако според зборовите на персоналот пред да ја користат водата од валканата канализација, таа била прочистена со специјални филтри, експертите тврдат дека некои штетни бактерии сепак се впуштаат во пијалоците на клиентите.

Професор Бен Каулинг од школата за јавно здравство при универзитетот во Хонг Конг изјави за "The Sun" дека обичната филтрација може да убие само мала количина од опасните бактерии од таква агресивна средина како јавен тоалет.
"Ако вработените често го посетувале тоалетот, тие само го зголемиле ризикот за пренесување на други патогени организми од тоалетот како во приготвувањето на храната така и во самите простории каде се подготвува", вели тој.

Вистината била откриена кога персоналот бил снимен на видео за време на еден од 70-те секојдневни походи кон тоалетот за вода. Видеото кое било поставено на сајтот на Apple Daily, ги разбеснило клиентите на кафулето - многу од нив изразиле негодување на Фејсбук страницата на Starbucks.

Еден од поранешните клиенти на локалот, потпишан како Кевин Л, напишал: "Ќе добиете огромни профити во целиот свет, а го сметате за дозволиво користењето на вода од тоалетот за подготовка на кафе. Тоа е ваше свесно решение! И тоа, наместо да потрошите некој денар за да купите дестилирана вода, кога ние плаќаме неколку долари за една чаша од вашето кафе! Вие не не почитувате ниту нас, ниту нашето здравје!"