Жената во црвен фустан со торба преку рамо, на која полицијата ја прска со солзавец, стана симбол за турските протести...



Фотографијата од жената во црвен фустан може многу лесно да се најде на постери и налепници кои ги делат демонстрантите, а и на интернет.

„Фотографијата сведочи. Ова е полициско насилство против мирни демонстранти и луѓе што се обидуваат да се одбранат себеси и вредностите во кои веруваат“, рекла студентката Есра од Истанбул, пишува Ројтерс.

На постерите жената е нацртана во поголема величина од полицаецот, а до неа стои натписот „колку повеќе прскате, толку поголеми сме“.

Протестите во Турција се одржуваат веќе седми ден и покрај извинувањето на заменик-премиерот за сите кои биле повредени во судирите со полицијата. Досега загинаа двајца демонстранти, а стотици беа уапсени.