Кинески тинејџер направил голема глупост за време на посета на храмот стар 3.500 години во Луксор, Египет...



„Динг Џинхао беше тука“, напишал 15-годишник на слика со обликувана фигура во ѕидот на храмот, кој предизвика бес на интернет, пишува MSN.

Случајот го пријавил кинески турист на египетските власти.

Откако фотографијата осамна на кинеските блогови, момчето претрпело голем број на непријатности, веб страници на училишта биле хакирани, на кои стоел натпис „Динг Џинхао беше тука“.

Родителите на момчето биле под притисок и ги повикале локалните кинески медиуми. „Сакаме да му се извиниме на египетскиот народ и народот на Кина за овој ужасен настан. Тој ја сфати грешката што ја направи, затоа бараме прошка од вас. Ве молиме дајте му шанса да се поправи за она што го стори“, порачале неговите родители.