Уште едно торнадо предизвика страв, но овој пат во Русија во градот Обнинск...



На местото каде што зафати торнадо е изградена првата нуклеарна централа во светот, на само 110 километри јужно од Москва.

Локалните жители се исплашени од развојот на настаните, но и покрај извесниот страв на крај Русите се пошегуваа со тоа.

„Ние имаме торнадо над нуклеарна централа. Не е лошо. Барем нема мртви“, напишал корисник на Твитер профил.

Жител на Обнинск по име Антон Лунев со дигитална видео камера го снимил торнадото и го ставил на YouTube, јавува Moscow Times.

Нуклеарната централа Обнинск е изградена во 1954 година, а е исклучена 29 април, 2002 година. Имала еден реактор со електричен капацитет од 6 MW и термален капацитет од 30 мегавати.