Бројот на жртвите на моќното торнадо што ја погоди околината на американскиот град Оклахома, достигнаа 91 луѓе, меѓу кои има најмалку 20 деца, соопшти официјален претставник на локалните власти за Си Ен Ен...

Ејми Елио од американската медицинска служба изјави во интервју за телевизијата дека биле пронајдени уште 40 тела, откако првично беше соопштено за 51 жртви. Моќното торнадо израмни со земја повеќе куќи во околината на Оклахома и две училишта.

Националната метеоролошка служба пресмета дека торнадото е со сила EF-4 на скалата за моќ на торнада. Тоа значи дека ветарот испуштал удар со брзина меѓу 260 и 320 км. на час

"Прогнозите се дека бурата ќе продолжи да се одвива во Оклахома", изјави претходно на CNN гувернерот на државата Мери Фејлин. Метеоролошките служби го повикаа населението да се скрие и по можност да не излегува.

Претседателот Барак Обама го следи развојот на ситуацијата, изјави претставник на Белата куќа. Федералните служби за итни ситуации се подготвени да интервенираат.

Торнада често поминуваат низ полињата на Оклахома, но досега ретко се случувало да влијаат на населен регион.