20-годишната Британка Џесика Керфи е медицинско чудо, бидејќи е родена со четири бубрези...

Двата нејзини дополнителни органи биле откриени кога таа почувствувала остра болка во десната страна и била одведена во болницата од својот пријател. Хирурзите во болница Сент Хелиар во Сари ги откриле четирите бубрези, откако претпоставиле дека отстрануваат 17-сантиметарска циста, но на крајот утврдиле дека станува збор за кинење на еден од нејзините дополнителни бубрези.

"Забавно е да набљудувате како реагираат луѓето кога им велам дека имам дополнителни бубрези. Претпоставувам дека е чудно да не знаеш што се случува во телото, додека не се случи нешто како ова со мене. Позитивната страна е што немам толку лош мамурлук како моите пријатели, што веројатно се должи на дополнителните бубрези", изјави Керфи која е од Манчестер, но учи уметност на Универзитетот во Сари.
Хирургот Робин Вебер соопшти дека на лекарите им се познати помалку од сто случаи како овој на младата Британка.