Удар, удар ... Уште едно замавнување и сивиот австралиски кенгур го праќа во нокаут својот противник...министерот и пратеник од парламентот Шејн Ратанбери...

Државникот бил срушен на земјата и никако, ама никако не се чувствувал добро. Поради отсуство на судијата кој да одбројува поени кенгурот продолжил да го мава својот "ривал", кој веќе бил срушени и целиот во модринки и гребнатини.

41-годишниот политичар самиот е виновен за она што се случило. Тој имал несреќа да се суди во кенгур за време на своетоутринско трчање. Министерот џогирал во регионот Еинсли, лоциран во самиот центар на главниот град Канбера.

Торбестото животно си пасело мирно во најблиската градина, кога политичарот паднал врз него, бидејќи не го забележал. "И двајцата бевме многу исплашени, а кога кенгурите ќе се исплашат...тие напаѓаат", се сеќава по инцидентот Ратанбери. Реакцијата животното била моментална, тоа ги пуштило во акција сите екстремитети, па не оставило никаква шанса на политичарот да се брани. Кенгур добил со чист нокаут.

Случајни минувачи го забележале политичарот како лежи на земја и повикале брза помош. На крајот тој бил однесен во болница, каде утврдиле дека неговите рани не се толку тешки и по неколку часа бил пуштен. Ратанбери отишол директно во парламентот каде неговите колеги наместо да го прашаат како се чувствува, веднаш почнале да се интересираат за судбината на кенгурот и дали тој е повреден. "Не грижете се. Тој е добро и замина од бојното поле, скокаше со достоинството на победник", им возвратил со сарказам Ратанбери.