Властите во Венецуела имаат намера да внесат околу 50 милиони ролни тоалетна хартија поради акутен дефицит на овој артикл од прва потреба, пренесоа светските агенции...

За земја со население од околу 30 милиони луѓе, не е тешко да се замисли човек за колку време ќе стигне овој планиран увоз.

Веќе две недели Венецуелците трескавично, но залудно бараат тоалетна хартија во трговската мрежа и ако се слушне дека во некој супермаркет била доставена, моментално таму се формираат огромни редици. Оваа стока сепак сосема не е единствената дефицитарна - властите се принудени да увезуваат млеко, масло и кафе.

Економски експерти од американскиот Универзитет "Џон Хопкинс" мислат дека недостигот на основните артикли се должи на напорите на властите на вештачки начин да останат ниски цени на овие предмети.