Закон во Перу забранува да се користи "лоша храна" за децата. Полемика го потресе Перу по усвојувањето на законот, кој ја ограничува употребата на "храна, која не ги исполнуваат стандардите за правилно хранење" на деца. Законот вклучува и забрана за рекламирање на одредени видови храна или газирани пијалаци во училиштата, со цел да се намали дебелината кај децата...

Текстот беше критикуван од прехранбената индустрија, но во исто време тој ја доби поддршката на организациите од здравствениот сектор и организациите на потрошувачите.

Законот, кој се уште не е донесен, го ограничува рекламирањето на одредени видови на храна ("закуски", како чипс или бонбони) и безалкохолни пијалоци во училиштата, со цел да се бори против болестите поврзани со дебелината.

"Забраната го отвора патот за нелегалната трговија на оние кои ги продаваат овие производи на улицата пред очите на сите. Ова укажува ризик за здравјето на децата и адолесцентите", предупреди директорот на Националното здружение на производители, Алехандро Дали.
Текстот предвидува промоција на физичката активност на децата и создавање на кујни и објекти за исхрана со природни производи во училиштата.

Претседателот Оланта Јомала има време до 20 мај да го потпише законот, усвоен од страна на Парламентот, или да предложи измени.

Според официјалните податоци, 52% од перуански жени и 24% од децата на возраст од 5 до 9 години се со прекумерна тежина или се дебели. Земјата, која има најголем економски раст во регионот, има 30 милиони жители.