22-годишен Австриец го преживеал шокот на својот живот, кога добил известување дека треба да плати данок од 29 милиони евра (38 милиони долари), објавиле локалните медиуми...
Агадир Б. раскажал дека ја добил сметката, откако ја пополнил даночна пријава за 2008 година Во тоа време тој заработувал околу 600 евра месечно како приправник. Даночната служба сакала од него веднаш да плати еден процент од сумата во износ од 290 420, 13 евра.
"Најпрво откачив. Мајка ми ќе добиеше нервен слом", дополнува Австриецот. Неговата мајка дури се јавила во даночната служба со барање да се провери сметката. Еден од вработените и одговорил: "Не ја дискутирате сметка на касата на Била (синџир супермаркети), едноставно плаќате, нели".
Подоцна сепак пристигнало второ писмо од даночната служба, во кое имало известување дека првото е невалидно и изразувајќи жалење од "техничка грешка", додава весникот.
