Првиот хеликоптер во светот направен од карбонски влакна и кевлар, се урна за време на тестирањето во Нов Зеланд...

Во водите на пристаништето во Окленд, се урна првиот хеликоптер во светот направен од лесни материјали – карбонски (јаглеродни) влакна и кевлар. Моментот на падот е снимен од друг хеликоптер, кој го снимал полетувањето, со цел подоцна да го употреби во промотивниот материјал.

Пилотот Питер Малони и копилотката Нина Хетли, не се повредени во хеликоптерска несреќа. Малони по несреќата изјавил дека испратил повик за помош откако хеликоптерот почнал да ја губи моќноста.

На површината на морето слетале прилично мирно и во ниеден момент не биле во опасност. „Беше прилично добро принудно слетување“, изјавила копилотката Хетли, пренесува Ројтерс.

Хеликоптерот КЦ-518 бил произведен од компанијата на Питер Малони, и досега има поминато околу 200 часа пробно летање. Властите започнале и рутинска истрага за несреќата.