МЕНИ

„Забрана за нуклеарно оружје или уживајте на Судниот ден.“, и „Кој живее со атомска бомба, од тоа и ќе умре.“

Кони Консепсион Пикиото (68), познат како Кончита, живее во импровизиран камп на плоштадот Лафајет, директно спроти резиденцијата на американските претседатели, уште од 1 август 1981г., во знак на протест против војната и нуклеарното вооружување, пренесува Вашингтон Пост.

Мала жена со перика веќе над 3 децении разговара со заинтересираните минувачи за војната.

„Ова е многу важно. Треба да ја запреме војната во Иран.“ – вели таа. Зад неа има избледени транспаренти од некои поранешни акции со јасна порака: “Забранете го нуклеарното оружје, или уживајте на Судниот ден“, „ Кој живее со бомба, од неа и ќе умре. “

Кони е еден од најупорните политички активисти во Америка, ако не и во светот. На лицето на Кони се гледа дека многу долго живее буквално на улица, нејзината кожа е затемнета и збрчкана, и додека се смее се гледа дека и останале уште неколку заби. Нејзиниот активен живот пред Белата куќа започнал уште во времето на Роналд Реган, Џорџ Буш, Бил Клинтон, Џорџ Буш помладиот, а го дочекала и Барак Обама.

Таа е жив сведок на многу американски скандали, војни, трагедии. Од неа учат за општествен активизам. Таа се појавува и во документарецот на Мајкл Мур “Фаренхајт 9/11“, кој е редовен гостин на локалните медиуми.
„Не се откажувам, тоа ми е важно, тоа е мојот живот.“

Но, пред се таа има несигурна иднина. Има 68 години, а од неодамна и здравствени проблеми, поради несовесното возење на таксист, кој удрил во неа и нејзиното засолниште. Сепак, Кони не се откажува, пред се таа има јасна цел: „Сакам да ме слушнат!“. Се надева дека претседателот Обама ќе биде првиот американски претседател кој ќе дојде до неа, и на кого ќе му ја раскаже нејзината приказна.

„Мора да го запреме ова лудило пред да го уништи светот. Мојата задача е да бидам точно каде што сум. Тоа е мојот живот “, изјавила Кончита пред новинарите.