Хакерската организација Анонимус најавила координиран напад на девет интернет страници на американската влада и повеќе од 130 финансиски институции. Известувањето за нападот бил објавено вчера на интернет страницаа Pastebin...

Според наведувањата на Анонимус, нападот ќе биде одговор на "општествените и политички неправди".

"Америко, направи повеќе воени злочини во Ирак, Авганистан, Пакистан и неодамна направи злочин во сопствената земја. Сега е време за нашата забава", наведуваат Анонимус.

Стручњаците предупредуваат дека, доколку не сакаат да прекин во работата, организациите треба да се подготват за одбрана од DDoS напад.

DDoS е вид на напад со кој се оневозможува пристап на одредена интернет страница, а го изведуваат голем број обични компјутери заразени со вирус под чија команда сите истовремено се обидуваат да пристапат до одредена страница.

Во текот на минатиот месец, организацијата Анонимус започна со најавуваниот сајбер напад на Израел, но операцијата имаше мал ефект.