Пејачката Тина Тарнер стана официјално швајцарска државјанка и во понеделникот го доби својот црвен пасош со бел крст, соопштува швајцарскиот весник "Блик"...

Во јануари 73-годишната американска рок ѕвезда стана граѓанин на областа  Kyusnaht, во близина на Цирих, каде што живее. Ѕвездата живее во Швајцарија речиси 20 години, а за натурализацијата и беше потребно уште дозвола на кантонот Цирих и на Конфедерацијата. Тарнер помина низ испит, за да добие позитивно мислење.

"Многу сум среќна во Швајцарија и тука се чувствувам како дома. Не можам да замислам подобро место за живеење", изјави во јануари пејачката пред списанието "Блик". Таа најмногу го цени почитувањето на правото на приватност кое земјата ја гарантира. Тарнер се повлече од јавниот живот по својата турнеја во 2008-2009 година.

Тина Тарнер научи германски и се наоѓа во Швајцарија од 1995 година, следејќи го својот партнер, германскиот музички продуцент Ервин Бах. Двајцата ќе се венчаат во текот на летото, соопштува "Блик".