Најмалку две личности се повредени кога експлодирал метален контејнер во центарот на Москва, јавуваат руските медиуми.

Експлозијата се случила во улицата Нови Арбат, недалеку од азијски ресторан, во центарот на градот.

Полицијата го блокирала тој дел од градот, многу популарен меѓу туристите, и ги истражува причините за експлозијата.

LifeNews пренесува дека е можно да експлодирало пакување со хлор кое се употребува за чистење и дезинфекција, а според непотврдените информации повредени се двајца работници кои користеле хлор.