Тексашки полициски претставник вчера рече дека се најдени 12 тела во фабрика за ѓубриво во која избила силна експлозија.

Претставникот на одделението за јавна безбедност Џејсон Рејс рече дека околу 200 луѓе се ранети во експлозија која во среда вечер изби во фабриката за ѓубриво во малото место Вест.

Експлозијата оштетила десетина куќи, една стамбена зграда, училиште и дом за стари лица.

Властите соопштија дека нема докази дека експлозијата била нешто повеќе од индустриски инцидент. Во последните десет години, компанијата била критикувана поради слабата безбедност и кршењето на прописите.