Германската полиција успешно извела контролирана експлозија на сомнителен пакет кој вчера стигнал на адресата на претседателството во Берлин, изјави портпаролот на германскиот претседател Јоахим Гаук.

„Изведена е контролирана експлозија во паркот покрај претседателската палата Белви. Прелиминарната проценка покажа дека (пакетот) претставувал конкретна опасност“, рече портпаролот на претседателот.

Инцидентот се случи ден откако американските власти подигнаа обвинение против човекот кој на претседателот Барак Обама и еден сенатор им пратил писма во кои се содржала исклучително отровна супстанца рицин.

За сега не е позната содржината на пакетот кој стигнал на адреса на германското претседателство.