Дека на аеродромот треба строго да внимавате на речникот, доказ е инцидентот кој му се случил на американецот Џејсон Круз...

Додека чекал на аеродромот во Њујорк да се качи на авион за Лос Анџелес си купил голем сендвич кој планирал да го јаде во текот на летот. Токму неговата ужина, наречена "бомба" поради големиот број состојки во неа, му го загорчила животот.

Имено, кога Круз во моментот на минување низ безбедносната контрола, на колегата му рекол дека едвај чека со својата "бомба" да влезе во авион, аеродромската полиција веднаш го привела.

Двајцата пријатели се одведени во салата за испитување каде биле темелно претресени. После повеќечасовното објаснување дека зборувале за сендвич, биле пуштени на слобода, но предоцна. Нивниот авион полетал без нив.

Времето кое го поминале во чекална за следниот лет за Лос Анџелес го искористиле да ја изедат својата "бомба".