Четири илјади вработени во Ватикан останаа без посебен додаток предвиден за периодот „празна Столица“.

Папата Фрањо одлучи да не го исплати таканаречениот „папински бонус“. Периодот „празна Столица“ настапил поповлекувањето на папата Бенедикт XVI од папскиот престол.

Во мај 2005 година, по смртта на папата Јован Павле II, секој вработен во Ватикан прими дополнителни 1.000 евра и 500 евра кога беше избран Бенедикт XVI.

Кога во февруари оваа година Бенедикт XVI се откажа од папската должност, италијанскиот кардинал камерленго Тарцисио Бертоне им го скрати додатокот со објаснување дека папата не умрел.

Аргентинскиот папа Фрањо, кој заговара „сиромашна Црква за сиромашите“ одлучи на вработените да им го скрати додатокот за избор на папа и парите да ги усмери во хуманитарни цели.

Папата емеритус Бенедикт XVI, кој се откажа од должностите, изјави во февруари дека вработените во Ватикан напорно работеле прекувремени часови за време на конгрегацијата и конклавата која ја следеле дури 6.000 луѓе.