Саудиска Арабија депортира тројца мажи поради една единствена причина - биле "премногу убави"...

Мажите биле во составот на делегацијата од Обединетите Арапски Емирати, дојдени за фестивалот на народната култура во Ријад. Претставници на шериатската гарда упаднале во шаторот на ОАЕ по информации дека таму престојува сликарка без акредитација. Заедно со неа биле приведени и тројцата мажи.

Според мислењето на борците тројцата биле "премногу убави" и посетителките на фестивалот можеле да се заљубиле во нив. Сите уапсени подоцна беа депортирани од Саудиска Арабија. Возачот на делегацијата од ОАЕ Саид ал-кабини, пак, се извинил на домаќините за присуството на сликарката.

Делегацијата од ОАЕ е вмешана и во уште еден скандал за време на фестивалот. Претставник на шериатската гарда кои го надгледуваат почитувањето на исламските норми ја сметал за "немуслиманска" танчерската претстава на учесниците од ОАЕ и се обидел да ја прекине.

Саудиската национална гарда, под чие покровителство се одржува фестивалот, сепак го спречила тоа. Како резултат, меѓу борците од двете гарди - секуларната и шериатската - избувнал конфликт.