Земјотрес со силина од 6,2 степени по Рихтеровата скала ја погоди денеска Јапонија, со епицентар на малиот вулкански остров Мијаке, јужно од Токио, по серија од околу 20 помали потреси. Тројца луѓе се полесно повредени.

Јапонските власти соопштија дека земјотрес со магнитуда од 6,2 го погодил островот Мијаке во 17:57 по локално време. Во таа област од утрината се забележани околу 20 послаби потреси. Епицентарот бил на длабочина од околу 20 километри.

Јапонските медиуми јавија дека дошло до одрон на островот Мијаки, а на островот не е забележано значајно зголемување на вулканските активности, а опасност од цунами нема.

Вулканот кој од Токио е оддалечен 180 километри, последен пат се активирал во 2000 година, по што се евакуирани 3.000 жители на островот.

Земјотрес со речиси иста јачина пред само пет дена го погоди западниот дел на Јапонија.