Најмалку девет луѓе загинале, а повеќе од 50 се ранети во напад на бомбаш-самоубиец на предизборен митинг во Пакистан.

Собирот го организирала партијата која се противи на талибаните - Авами национална партија (ANP) - во градот Пешавар на северозапад од земјата, во очи на општите избори на 11 мај.

„Тоа беше самоубиствен напад“, рече претставникот на полицијата Шафкат Малик.

Претставник на талибаните во Пакистан, кои се заканија дека ќе го нападнат ANP пред изборите, ја презел одговорноста за вчерашниот напад.

Во локалната болница велат дека лекарите лечат околу 50 повредени во експлозија, од која неколку десетина се во критична состојба.